У суботу ўвечары зменяць маршруты некаторых менскіх тралейбусаў

Змяненні звязаныя з дарожна-будаўнічымі работамі.

20 і 21 траўня будзе скарэктаваны маршрут некалькіх тралейбусаў, якія ідуць праз скрыжаванне вуліц Рафіева, Алібегава і Гарэцкага. У гэты час там будуць праводзіць дарожна-будаўнічыя работы, паведамляе прадпрыемства «Мінсктранс».

Змены будуць дзейнічаць з 22.30 20 траўня да 06.30 21 траўня:

- рух тралейбусаў маршруту №39 на адрэзку ад вуліцы Я. Брыля да дыспетчарскай станцыі «Паўднёвы Захад» будзе арганізаваны праспектам Газеты «Звязда», вуліцы Голубева ў абодвух кірунках;

- рух тралейбусаў маршруту №52 будзе скасаваны;

- рух тралейбусаў маршруту №25 на адрэзку ад праспекта Дзяржынскага да ДС «Кунцаўшчына» будзе арганізаваны вуліцамі Чыгуначная, Уманская, Гурскага, Панамарэнкі, Бельскага, Прытыцкага, Кунцаўшчына ў абодвух кірунках.