Мікалай Статкевіч выйшаў на свабоду

Адзін з лідараў Беларускага Нацыянальнага Кангрэсу правёў пяць дзён на Акрэсціна.

Пра гэта паведамляе «Радыё Свабода».

«Аўтобус спыніўся, да мяне кінуліся людзі, зацягнулі ў мікрааўтобус. Адразу адвезлі на Акрэсціна. Сказалі: вы асуджаныя. Прынеслі пастанову, што 7 красавіка я быў асуджаны на пяць дзён. Акрэсціна непазнавальна змянілася», - сказаў Мікалай Статкевіч.

«Яны мяне нейтралізуюць як лідара», - дадаў апазіцыйны палітык.

Калі яму сказалі пра тое, што некалькі соцень чалавек выйшлі на акцыю 1 траўня, Статкевіч адрэагаваў так:

«Цудоўна, гэта значыць, што ў мяне ёсць шанцы заставацца на волі, бо гэта не дапамагае».

Як раней паведамляў сайт Charter97.org, з 28 красавіка Мікалай Статкевіч не выходзіў на сувязь.

29 красавіка жонцы палітыка Марыне Адамовіч патэлефанаваў нейкі падпалкоўнік міліцыі з Ленінскага РУУС і паведаміў, што палітык знаходзіцца ў ізалятары на вуліцы Акрэсціна. Таксама ён паведаміў пра тое, што 28 красавіка Статкевіча затрымалі і асудзілі ў Ленінскім судзе на 5 дзён адміністрацыйнага арышту.