Лукашэнка: На заходнім напрамку беларускае і расейскае войска дзейнічаюць як адзінае цэлае

Больш за ўсё дыктатара напалохалі «велізарныя беспілотнікі натаўцаў».

Пра гэта Лукашэнка заявіў 15 чэрвеня на сустрэчы з сакратарамі саветаў бяспекі дзяржаў - удзельніц АДКБ, паведамляе прэс-служба беларускага кіраўніка.

Дыктатар адзначыў, што «беларускае і расейскае войска на заходнім накірунку дзейнічаюць як адзінае цэлае». «Мы гэта ні ад натаўцаў, ні ад каго іншага не хаваем. Але калі існуе такая групоўка, цалкам зразумела, што павінны праводзіцца вучэнні. Мы іх і праводзім, - сказаў прэзідэнт. - Тым не менш, нашы вучэнні не нацэленыя на наступ на чужыя тэрыторыі. Нам сваіх дастаткова. Мы не збіраемся нікога заваёўваць. Але будуем сваю палітыку, улічваючы ўрокі мінулага. Мы нікому не пагражаем, мы ні на каго не збіраемся наступаць, ні з кім ваяваць, але мы вучым сваё войска, каб яна было гатовае адбіваць любы ўдар і нанесці непрымальную шкоду таму, хто захоча з намі ваяваць. Гэта наша канцэпцыя».

«Самае дзіўнае, што нас папракаюць у тым, што далёка да таго, што робяць яны. Мы тут не фармуем і не размяшчаем нейкія новыя часткі замежных дзяржаў. Наадварот, мы бачым, як ля нашых межаў з непрыхаванай аператыўнай стараннасцю размяшчаецца ўсе больш і больш частак і войскаў, у тым ліку замежных", - заявіў дыктатар.

«Добра б войскі, але там размешчаны самыя сучасныя беспілотныя лятальныя апараты. Я калі ўбачыў здымкі гэтых беспілотнікаў..., яны ж вельмі вялікія, як сапраўдныя самалёты. Гэта ўдарныя беспілотнікі. Супраць каго? І нам кажуць: вы тут супакойцеся, вы не павінны ніякіх вучэнняў праводзіць. Не, мы будзем праводзіць вучэнні, таму што бяспекай дзяржаў грэбаваць ніхто не будзе. Ні Расея, ні Беларусь, ні АДКБ», - заявіў Лукашэнка.