Максім Сушко: Быў упэўнены, што мяне выберуць на драфце НХЛ
- 26.06.2017, 19:56
- 18,176
Беларускі хакеіст распавёў пра перспектывы сваёй кар'еры за акіянам.
Максім Сушко падзяліўся эмоцыямі пасля таго, як быў выбраны «Філадэльфіяй» на драфце, піша «Трыбуна»:
«Магу сказаць, што ўчора, калі назвалі маё прозвішча, я адчуў невымоўныя эмоцыі. Я надта шчаслівы, але разумею, што расслабляцца не варта, бо гэта толькі пачатак майго шляху. Шчыра кажучы, я быў упэўнены, што мяне выберуць. Ды і мой агент адразу запэўніў мяне, што хвалявацца не варта.
Цяпер жа я сапраўды рады патрапіць у сістэму «Філадэльфіі». Планы на наступны сезон? 5 ліпеня я лячу ў лагер пачаткоўцаў, а далей усё залежыць толькі ад мяне. Думаю, што яшчэ адзін год я правяду ў Owen Sound Attack.