24 верасня 2017, Нядзеля, 9:40

Расейцы спрабуюць прысвоіць сабе перамогу ў Грунвальдскай бітве

41

Чарговы ляп ад расейскай прапаганды.

Расейскія ўлады далей цынічна прысвойваюць сабе велічныя гістарычныя падзеі, піша rbc.ua.

Так, у сеціве паведамілі пра з'яўленне чарговага "расейскага подзвігу", які ў Крамлі надумалі адзначыць на дзяржаўным узроўні. Фотаздымкі, на якіх відаць новая "памятная дату", апублікаваныя ў Facebook-супольнасці "Россия 24". "15 ліпеня 1410 года расейскія князі Ягайла і Вітаўт пад расейскім селішчамі Грунвальд і Таненбэрг кшчэнт разбілі нямецка-бандэраўскае войска Тэўтонскага ордэна пад камандаваннем Вялікага Магістра Ульрыха фон Юнгінгена. Расея памятае свае перамогі!» - іранізуюць аўтары допіса.

ФОТА: САЦЫЯЛЬНАЯ РЭКЛАМА Ў РАСЕІ (FACEBOOK.COM/ROISSYA24)

Карыстальнікі сеціва актыўна каментуюць допіс.

"Расея - краіна без гісторыі. Усё крадзенае, абсалютна ўсё", - напісаў адзін з карыстальнікаў. "А бітва на Калцы супраць тыраназаўра? Не дамо перапісаць гісторыю!" - з сарказмам адзначыў іншы каментатар.

"Дзіўна, чаму яшчэ не святкуюць узяцце Троі і разгром Карфагена...", - паўтараюць карыстальнікі. Нагадаем, што Грунвальдская бітва - вызначальная бітва "Вялікай вайны" 1409-1411 гадоў, тое, што адбылося 15 ліпеня 1410 году. Звяз Каралеўства Польскага і Вялікага княства Літоўскага пад правадырствам караля Уладзіслава II Ягайлы і вялікага князя літоўскага Вітаўта атрымаў вызначальную перамогу над войскам Тэўтонскага ордэна. Гэта значыць, да Расеі гэтая бітва не мае абсалютна ніякага дачынення.

Раней выйшла відэа, згодна з якім "расейскія войскі атрымалі перамогу над крыжакамі, а іх хаўруснікамі былі чэхі, літоўцы і палякі".