Улады абвясцілі вайну нелегальнымі экскурсаводам

Турыстычны рынак пазбавяць ад нелегальных экскурсаводаў.

Парадак атэстацыі экскурсаводаў і гідаў-перакладчыкаў, які, дарэчы, не мяняўся з 2007 года, удасканалены пастановай савета міністраў. Новы механізм запрацуе ўжо з 13 кастрычніка, калі пастанова ўвойдзе ў дзеянне, піша sb.by.

Ранейшы дакумент патрабаваў карэктавання, і таму ў яго былі ўнесеныя сур'ёзныя змены, каментуе сітуацыю прадстаўніца Мінспорту і турызму Марына Масташова:

- Раней атэставаны спецыяліст павінен быў кожныя 5 гадоў праходзіць тэставанне і вуснае сумоўе. Цяпер замест гэтага ён можа скончыць курсы падвышэння кваліфікацыі і падоўжыць тэрмін пасведчання аб атэстацыі на 5 гадоў. Гэта значыць з'явілася альтэрнатыва.

Акрамя таго, экскурсіі можна будзе праводзіць толькі на атэставаныя тэмы. Са слоў прадстаўніка Мінспорту, бывала, нядобрасумленныя прэтэндэнты абаранялі ўсяго 2 - 3 тэмы і вадзілі групы па мностве маршрутаў. Цяпер патрабаванні сталі больш жорсткімі: праводзіць экскурсіі дазваляецца толькі па тэмах, якія абароненыя на атэстацыі.

У абноўленым палажэнні аб парадку і ўмовах правядзення профатэстацыі штрафы за нелегальныя туры пакуль не прапісаныя. Разам з тым Міністэрства спорту і турызму прапануе прадугледзець пакаранне ў Кодэксе аб адміністрацыйных правапарушэннях: ад 5 да 20 базавых адзінак. Гаворка пра тыя сітуацыі, калі экскурсіі праводзяцца без атэстацыі - фактычна, з парушэннем заканадаўства, мяркуюць у Мінспорту.

Дарэчы, тэмы экскурсій спатрэбіцца ўказваць ў працоўным пасведчанні. Такім чынам туркампаніі, запрашаючы спецыяліста на працу, адразу будзе бачыць, па якіх кірунках чалавек атэставаны. Калі ж ён бярэцца за неатэставаны маршрут, дзеянне яго прафесійнага пасведчання будзе прыпыненае на тэрмін да года. Прычынай могуць стаць скаргі на якасць экскурсійнага абслугоўвання. Гэты дакумент анулююць, калі ён выдадзены на падставе непраўдзівых звестак, прадстаўленых прэтэндэнтам, або пасведчанне перадавалася іншаму чалавеку для правядзення экскурсій.