Суд Расеі завочна арыштаваў пракурора і следчага ў справе Януковіча

З адпаведнымі хадайніцтвамі ў суд звярнуўся Следчы камітэт РФ.

Басманны суд Масквы завочна арыштаваў пракурора Галоўнай вайсковай пракуратуры Украіны Руслана Краўчанку і следчага ў асабліва важных справах Генеральнай пракуратуры Вадзіма Прыймачка. Пра гэта са спасылкай на пастанову суда паведамляе УНП.

З адпаведнымі хадайніцтвамі ў суд звярнуўся Следчы камітэт РФ. Басманны суд 20 ліпеня задаволіў хадайніцтва, паводле якога Руслан Краўчанка і Вадзім Прыймачок абвінавачваюцца паводле ч. 2 арт. 299 расейскага Крымінальнага кодэкса "Змушэнне заведама невінаватага да крымінальнай адказнасці або незаконнае распачынанне крымінальнай справы, злучанае з абвінавачваннем асобы ў здзяйсненні цяжкага ці асабліва цяжкага злачынства".

Нагадаем, ваенны пракурор Руслан Краўчанка з'яўляецца кіраўніком групы пракурораў у справе пра дзяржздраду экс-прэзідэнта Украіны Віктара Януковіча, які хаваецца ў Расеі. А ваенны пракурор, а таксама следчы Прыймачок расследуюць крымінальную справу ў дачыненні да міністра абароны РФ.

Варта адзначыць, што паводле хадайніцтва прыёмнай суд дазволіў выманне дакументаў у Адміністрацыі прэзідэнта Расеі на вуліцы Іллінцы ў Маскве.

Нагадаем, у сакавіку 2017 Вайсковая пракуратура перадала ў суд абвінаваўчы акт у дачыненні да Януковіча. Яго падазраюць у здзяйсненні злачынстваў, прадугледжаных ч. 1 арт. 111 ("Дзяржаўная здрада"), ч. 5 арт. 27 ч. 3 арт. 110 ("Наўмысныя дзеянні, учыненыя з мэтай змянення межаў тэрыторыі і дзяржаўнай мяжы Украіны") і ч. 5 арт. 27 ч. 2 арт. 437 ("Дапамога ў вядзенні агрэсіўнай вайны") КК Украіны.

На сённяшнім пасяджэнні Абалонскі райсуд Кіева мусіў пачаць разгляд справы пра дзяржздраду Януковіча ў сутнасці.

Экс-прэзідэнту Віктару Януковічу 28 кастрычніка 2016 было абвешчанае падазрэнне ў дзяржаўнай здрадзе і дапамаганні Расейскай Федэрацыі ў агрэсіі супраць Украіны. Яму пагражае пажыццёвае зняволенне. Цяпер Януковіч хаваецца ад правасуддзя ў Расеі.