Deutsche Bank выведзе з Вялікабрытаніі $350 мільярдаў праз Brexit

Праект будзе рэалізоўвацца на працягу паўгода пачынаючы з верасня 2018 года.

Deutsche Bank - найбольшая ў Нямеччыне фінансавая арганізацыя - можа перавесці прыкладна 350 мільярдаў даляраў з рахункаў у Вялікабрытаніі ў нямецкі Франкфурт-на-Майне праз Brexit. Аб гэтым піша Bloomberg са спасылкай на крыніцы ў крэдытнай арганізацыі, перадае lenta.ru.

Як паведамілі суразмоўцы агенцтва, праект будзе рэалізоўвацца на працягу паўгода пачынаючы з верасня 2018 года. Пры гэтым афіцыйная прадстаўніца Deutsche Bank Моніка Шалер адмовілася каментаваць гэтую інфармацыю.

25 красавіка паведамлялася, што ЕЗ падчас перамоў аб Brexit мерыцца выставіць Вялікабрытаніі рахункі, якія кампенсуюць абавязанні Лондана перад еўрапейскім бюджэтам і ўсімі фінансавымі інстытутамі Еўразвяза.

28 сакавіка прэм'ер-міністарка Вялікабрытаніі Тэрэза Мэй падпісала ліст з паведамленнем уладам ЕЗ аб фармальным пачатку працэдуры Brexit. Перамовы аб умовах гэтага працэсу зоймуць два гады.

Пастанова аб выхадзе Вялікабрытаніі з ЕЗ была прынятая на рэферэндуме 23 чэрвеня 2016 года. Адмову ад сяброўства ў Еўразвязе падтрымала больш як палова прагаласаваных.