CNN: Тылерсан можа пакінуць пасаду дзяржсакратара

Дзяржаўны сакратар ЗША незадаволены палітыкай Трампа.

Рэкс Тылерсан выказвае рост расчаравання ў адміністрацыі прэзідэнта ЗША Дональда Трампа і можа датэрмінова сысці ў адстаўку са сваёй пасады. Пра гэта паведамляе The Hill са спасылкай на даклад CNN, піша liga.net.

Адзначаецца, што былы генеральны дырэктар ExxonMobil сказаў, што Тылерсан застанецца кіраўніком дыпламатыі ЗША да канца года. Аднак некалькі ананімных крыніцаў паведамілі CNN у выходныя, што ён можа сысці раней.

У дакладзе сказана, што крыніцы, "знаёмыя з размовамі дзяржсакратара з сябрамі за межамі Вашынгтона", мяркуюць, што ў Тылерсана растуць сумневы ў дачыненні да прэзідэнта Трампа.

Дзяржсакратар ЗША, як паведамляецца, пагадзіўся з крытыкамі Трампа, якія заявілі, што гэта непрафесійна, калі прэзідэнт накідваецца на генеральнага пракурора Джэфа Сэшнса, таму што той адмовіўся ад расследавання ўмяшання Расеі ў прэзідэнцкія выбары 2016 года.