У Беларусі ўпершыню знайшлі цалкам захаваныя «молаты Тора»
10- 28.07.2017, 10:33
- 14,993
Унікальную знаходку зрабілі студэнты гістфаку БДУ падчас экспедыцыі ў Віцебскую вобласць.
У Беларусі ўпершыню знайшлі цалкам захаваныя мужчынскія ўпрыгожанні вікінгаў - так званыя «молаты Тора». Унікальную знаходку зрабілі студэнты гістфаку БДУ падчас экспедыцыі ў археалагічным комплексе Кардон у Шумілінскім раёне (Віцебская вобласць).
Кіраўнік археалагічнай практыкі гістфаку БДУ Віталь Сідаровіч распавёў, што знойдзеныя тры «молаты Тора» былі вырабленыя прыкладна ў 9 - пачатку 10 стагоддзя ў Скандынавіі. Для гэтых упрыгожванняў выкарыстоўвалася жалеза.
Раней у Беларусі яшчэ не знаходзілі цалкам захаваныя ўпрыгожанні вікінгаў, адзначыў Віталь Сідаровіч.