18-гадовы беларускі хакеіст перайшоў у «Куньлунь»

Уладзіслаў Мартынюк паспяхова прайшоў прагляд у кітайскім клубе.

Як паведамляе «Беларускі хакей», Уладзіслаў Мартынюк падпісаў аднагадовы кантракт з кітайскім клубам (КХЛ-ВХЛ-МХЛ). Пачне сезон Мартынюк у МХЛ, у камандзе «Куньлунь Рэд Стар Джуніор».

У мінулым сезоне 18-гадовы гулец абароны набраў 24 (10+14) балы ў 41 гульні Экстралігі за «Беларусь-U20», пры паказчыку карыснасці «+4».

На моладзевым чэмпіянаце свету на ягоным рахунку 4 (1+3) балы ў 5 гульнях нацыянальнай каманды Беларусі пры паказчыку карыснасці «0».