Ва Ушачах застрэліўся былы начальнік міліцыі
- 4.07.2017, 14:50
- 34,920
Страляў Уладзімір Шкіндэр з самаробнай зброі.
Як стала вядома nn.by, ва Ушачах ва ўласным доме застрэліўся былы начальнік мясцовага РАУС Уладзімір Шкіндэр.
Паводле папярэдняй інфармацыі, гэта адбылося 1 ліпеня, страляў ён нібыта з самаробнай зброі.
Варта адзначыць, што з міліцыі Шкіндэр сышоў гадоў 10 таму, апошнім часам быў старшынём мясцовага аб'яднання ветэранаў.
«Ціхі быў чалавек, як сышоў са службы, увагі на сябе амаль не звяртаў. Меў вялікую гаспадарку», - распавялі былыя калегі.
Цяперашнія работнікі мясцовай міліцыі параілі звяртацца па падрабязнасці ў Следчы камітэт, але гэту справу там пакуль не каментуюць.