«Нешта здарылася, і ад Пуціна адкаснулася фартуна»

Кіраўнік Расеі цярпіць адную стратэгічную паразу за іншай.

Пасля анэксіі Крыма ў Расеі назіраецца дэлегітымізацыі рэжыму прэзідэнта РФ Уладзіміра Пуціна. Такое меркаванне ў эфіры радыёстанцыі «Эхо Москвы» выказала расейская публіцыстка Юлія Латыніна.

«У 2014 годзе, пасля анэксіі Крыма, здавалася, што Пуцін знайшоў незвычайна ўдалы палітычны ход - выратаванне расейцаў ад фашыстаў, гарматы замест масла, ура-патрыятызм, 90-адсоткавыя рэйтынгі, усенародная падтрымка. Вось прайшло тры гады пасля крымскага павароту, і неяк неспакойна», - сказала яна.

На думку Латынінай, такі ход забяспечыў Пуціну кароткатэрміновую папулярнасць, «але ён жа прывёў да стратэгічнай дэлегітымізацыі».

«Нешта здарылася, і ад Пуціна адкаснулася фартуна. Таму што вось у першыя 15 гадоў прэзідэнцтва Пуціну, увогуле, незвычайна шанцавала. Прычым не тое каб улада паводзіла сябе па-іншаму... Усё было добра, адабралі НТВ, арыштавалі Хадаркоўскага. Нягледзячы на гэта, сусветныя лідары ў 2005 годзе, у гадавіну Перамогі, сабраліся на святкаванне Дня Перамогі ў Маскве. Гэта быў такі трыумф Пуціна», - мяркуе публіцыстка.

Яна адзначыла, што рэжым Пуціна падтрымліваўся фінансамі блізкіх да яго бізнэсоўцаў.

«Падтрымка Пуціна да 2014-га абапіралася на шырокі кансэнсус бізнэс эліты. Цяпер гэтая бізнэс эліта падпала або пад санкцыі, або пад адсутнасць грошай. І вядома, ды, можа быць, там 85 адсоткаў, можа быць, крыху менш, можа быць, крыху больш за насельніцтва падтрымлівае рэжым. Але праблема ў тым, што гэта эканамічна неактыўнае насельніцтва», - сказала Латыніна.