Mercedes паказаў 6-мэтровы люксавы кабрыялет
10- 19.08.2017, 14:03
- 26,496
Магутнасць новага электрамабіля дасягае 750 конскіх сіл.
Кампанія Mercedes-Benz прэзэнтавала раскошны электрамабіль класа люкс - Vision Mercedes-Maybach 6 Cabriolet. Двухасабовы кабрыялет дасягае ў даўжыню амаль шасці мэтраў, мае гожы дызайн і магутнасць 750 конскіх сіл, паведамляе Business Insider.
Што да габарытаў, паведамляецца, што даўжыня аўто складае 5.7 мэтраў, шырыня - 2,2 мэтра, а вышыня - 1,34 мэтра.
Аўтамабіль можа разганяцца да сотні за 4 сэкунды, пры гэтым максімальная хуткасць складае 250 кіламэтраў на гадзіну.
Электрамабіль атрымаў сілкавальную прыладу стандарту CCS (сталы ток), здольную працаваць з магутнасцю да 350 кВт. Такім чынам, пяціхвіліннае сілкаванне забяспечыць аўтамабілю 100-кіламэтровы праезд.
Цяпер кампанія не плануе сэрыйную вытворчасць аўтамабіля.