Магілёвец, якому не налілі піва, падпаліў шапік
2- 9.08.2017, 10:58
- 22,150
Драма разгулялася каля Прывакзальнай плошчы.
Пажар у гандлёвым шапіку адбыўся ў Магілёве каля прыпынку грамадскага транспарту «Прывакзальная плошча».
Прычынай пажару стала тое, што 48-гадовы беспрацоўны бяздомны мужчына падпаліў запальнічкай яго тэнт, пішаsb.by.
Афіцыйная прадстаўніца Ленінскага РАУС Магілёва Алена Сіманава распавяла падрабязнасці інцыдэнту. З ейных слоў, мужчына прасіў у прадавачкі бясплатна наліць яму піва, але тая адмовіла. Тады бяздомны вырашыў адпомсціць і падпаліў тэнт шапіка. Цяпер яму давядзецца адказваць за хуліганства.
Уладальнікі павільёна ацанілі шкоду ў 150 рублёў.