Boeing паказаў гіпергукавы баявы самалёт

Мадэль дэманструе лятальны апарат, выкананы паводле аэрадынамічнай схеме «бясхвостка».

Карпарацыя Boeing прэзентавала канцэпт перспектыўнага ўдарнага і разведвальнага самалёта, які можа лятаць на хуткасці блізу 6,2 тысяч км/г, піша партал nakes-science.

«Сын Blackbird'а» (як самалёт ужо паспелі ахрысціць) быў прадстаўлены падчас канферэнцыі American Institute of Aeronautics and Astronautics (AIAA) SciTech 2018. Распрацоўка БПЛА можа быць распачатая ў выпадку атрымання фінансавання ад амерыканскага Міністэрства абароны.

Прадстаўленая мадэль дэманструе лятальны апарат, выкананы па аэрадынамічнай схеме «бясхвостка». Яго кілі трохі адхіленыя ў бакі, падобна таму, як мы гэта бачым на прыкладах сучасных малапрыкметных знішчальніках пятага пакалення.

Відавочна, новы твор Boeing задумваецца як лятальны апарат, на якім знойдзе шырокае прымяненне тэхналогія стэлс. Гэта зробіць яго яшчэ больш жывучым. Перспектыўны ўдарны і выведвальны БПЛА мае два рухавікі невядомага тыпу.

У ЗША на працягу дзесяцігоддзяў жыве «гарадская легенда» пра таямнічы гіпергукавы самалёт «Аўрора», існаванне якога ўрад адмаўляе. Пры гэтым канцэпт Boeing валодае канцэптуальным падабенствам з загадкавым лятальным апаратам.

Як пішуць аглядальнікі naked-science, найвышэйшая тэхнічная складанасць такіх апаратаў не дазволіць ім з'явіцца на ўзбраенні ЗША раней 2030 года. Так што такія праекты можна лічыць «інвестыцыямі ў будучыню».