У Літве з'явіўся свой аналаг праекту «Міратворац» - сайт Vatnikas
4- 17.01.2018, 11:05
- 10,259
Аўтары праекта называюць сябе «эльфамі», бо змагаюцца ў сеціве з «тролямі».
У Літве энтузіясты запусцілі партал Vatnikas для барацьбы з расейскай прапагандай. Ягонае з'яўленне абумоўлена інфармацыйнай вайной, паведамляе liga.net са спасылкай на Lietuvos zinios.
Сайт падобны да ўкраінскага праекта «Міратворац», бо мае аналагічныя мэты.
«Мэта гэтага вэб-сайта і старонкі ў Facebook - рэгулярна, інтэнсіўна і жорстка выкрываць «ватнікаў» і змагацца з іх прапагандай, якая распаўсюджваецца законнымі сродкамі», - заявілі распрацоўнікі сайта vatnikas.lt.
Аўтары праекта называюць сябе «эльфамі», бо змагаюцца ў сеціве з «тролямі», якія распаўсюджваюць прапаганду. «Эльфы» выказалі жаданне заставацца ананімнымі.