24 кастрычнiка 2018, Серада, 0:22
Нам патрэбна ваша дапамога
Рубрыкі

Як «усходнюю браму Менска» ператварылі ў даўгабуд

5
ФОТА: ONLINER.BY

Менскія забудоўшчыкі любяць гучныя словы, прыгожыя абяцанні і вялікія праекты.

Калі б усё, што дэвелаперы мелі намер узвесці ў сталіцы, было сапраўды зроблена, горад напоўніўся б шклянымі хмарачосамі, дзіўнаватымі формамі і рознымі архітэктурнымі вынаходствамі. Але не, практычна ўсе абяцаныя складаныя праекты, даходзячы да стадыі рэалізацыі, максімальна спрашчаюцца. Часам гэта ім толькі на карысць, але ў большасці выпадкаў нічога добрага ў выніку не атрымліваецца. З часам да так і не пабудаваных або пабудаваных не паводле першапачатковага плану праекта будынкаў усе прывыкаюць, і жыццё ідзе сваім парадкам. Onliner.by наважыў нагадаць, якая прыгажосць магла б з'явіцца ў розных раёнах Менска, калі б не суровая рэальнасць, недастатковае фінансаванне і адступленні архітэктараў. У другім выпуску ўспомнім пра бізнэс-цэнтр «Футурыс», дакладней яго каркас, які гадамі нязменна стаіць на праспекце Незалежнасці.

Пра што гаворка?

ФОТА: ONLINER.BY

Гэта здарылася ў 2010 годзе. У раёне скрыжавання МКАД і праспекта Незалежнасці Мікалай Ладуцька разам з інвестарамі заклаў капсулу ў падмурак 25-павярховага бізнес-цэнтра «Футурыс», якому прадказвалі званне «ўсходняй брамы» сталіцы. Інвестары клятвенна паабяцалі здаць аб'ект ў 2014 годзе, гэта значыць да чэмпіянату свету ў хакеі.

Чэмпіянат даўно адгрымеў, Ладуцька даўно не мэр, а будынак усё стаіць голы, непрыхаваны на вятрах. Расце ён павольна, незаўважна, але ўсё ніяк не дарасце да звання ўсходняй брамы, чым, магчыма, вельмі засмучаецца. Але засмучаецца не толькі ён, але і менчукі, якія вось ужо восем гадоў назіраюць за недабудаваным гмахам, што ўварваўся ў зялёнае і «лямпавае» Уручча.

Бізнэс-цэнтр у гэтым месцы ў сваім канчатковым варыянце прадставіць сабой высокую вежу, акружаную парковачнымі месцамі. Праект будзе сучасным і шкляным, але перш чым стаць такім, ён прайшоў доўгі шлях пераўтварэнняў.

Што нам абяцалі?

Даўным-даўно, калі ў гарадскіх уладаў было дакладнае разуменне, што гэтую тэрыторыю трэба абавязкова забудаваць, архітэктар Віктар Крамарэнка (аўтар праекта Нацыянальнай бібліятэкі, чыгуначнага вакзала і новага музея гісторыі Вялікай Айчыннай вайны) прапанаваў свой амбіцыйны праект. Дубай і Макаа ў параўнанні з абяцаным менчукам комплексам адпачываюць: на эскізах - комплекс будынкаў, што бліскаюць на сонцы срэбнымі і залатымі гранямі.

Як мяняўся праект і што вырашылі пабудаваць у выніку?

Першы забудоўшчык аб'екта - прыватны інвестар Вінсэнт Петрылла. У яго быў свой погляд на тое, што адбываецца. Замест срэбна-залатога хараства ён бачыў 11 рознавышынных і больш сціплых у плане архітэктуры будынкаў.

Фото: onliner.by

Адзін з хмарачосаў усё ж пачалі будаваць, але потым у Петрылла паўсталі рознагалоссі з яшчэ адным заказчыкам, што фінансаваў будоўлю. Пасварыліся яны, а пацярпеў горад - у 2013 годзе недабуд паўстаў ва ўсёй красе. Будпляцоўка апусцела.

У гэтым жа годзе бізнэс-цэнтр перадалі новаму забудоўшчыку - групе кампаній «Тапас». Яго вы ведаеце па такіх аб'ектах, як «Аквамарын», «Браслаўскі», «Алімпік Парк». Кампанія вырашыла дабудаваць 25-павярховы будынак, а побач паставіць трохпавярховы гандлёва-забаўляльны цэнтр з падземнай аўтастаянкай на 220 машына-месцаў. «Футурыс» зноў кардынальна памяняў свой выгляд.

Фото: onliner.by

У 2014 годзе праект змянілі яшчэ больш кардынальна. З характарыстык - будынак у 25 паверхаў, трохпавярховы гандлёва-забаўляльны цэнтр з падземнай аўтастаянкай і наземнай паркоўкай. Фасады першых трох паверхаў уяўлялі сабой сумесь керамаграніту і шкла, на верхніх паверхах - безымпаснае шкленне.

2015 год - і зноў змены. Прытрымліваючыся новай канцэпцыі, фасады памянялі кірунак ламелей, акцэнт зроблены на вертыкальныя элементы колеру металік. Таксама было прынятае рашэнне аб дадаванні яшчэ аднаго паверха (тэхнiчнага) ў вышынным будынку, які, такім чынам, пераўтварыўся з 25-павярховага у 26-павярховы. На той момант забудоўшчык меў намер вось-вось прыступіць да шклення фасадаў, а здаць аб'ект - у 2016 годзе.

Фото: onliner.by

Пазней інфармацыя абнавілася. У 2016 годзе забудоўшчык пракаментаваў:

ФОТА: ONLINER.BY

- Чаму будаўніцтва ідзе павольна? Варта сказаць, што «Тапас» рыхтуе да здачы два пускавыя комплексы: ВК «Мегаполіс» і ВК «Браслаўскі»... Але, вядома, працы вядуцца не ў шкоду «Футурысу». Будаўніцтва ідзе па плане, і варта сказаць, што ўсе аб'екты мы стараемся здаць нават да прызначанага тэрміну. Завяршыць «Футурыс» плануецца ў I квартале 2017 года.

Летась асаблівых змяненняў на будоўлі прыкметна не было. І вось нядаўна яна зноў дала пра сябе ведаць.

Крайні праект, створаны ў 2018 годзе, такі: «Аўтарская архітэктурная канцэпцыя вытрыманая ў сучасным стылі. Фасадныя рашэнні ў серабрыста-сіняй каляровай гаме прадугледжваюць панарамнае шкленне святлопразрыстымі канструкцыямі, што дазволіць офісам бізнэс-цэнтра «Футурыс» быць напоўненымі натуральным святлом».

Фото: onliner.by

Што адбываецца на пляцоўцы цяпер?

ФОТА: ONLINER.BY
ФОТА: ONLINER.BY
ФОТА: ONLINER.BY

Сёння праца на пляцоўцы не спыненая, можна заўважыць будаўнікоў і будаўнічую тэхніку. Новы тэрмін здачы аб'екта - 2018-2019 год. Застаецца толькі чакаць.