Курды зняпраўдзілі ўвод турэцкіх танкаў на тэрыторыю Сірыі
3- 21.01.2018, 16:49
- 12,229
Прадстаўнік курдскіх атрадаў самаабароны паведаміў, што турэцкія танкі падышлі да Афрына, але былі вымушаныя спыніцца.
Турэцкія вайскоўцы не ўваходзілі ў сірыйскі рэгіён Афрын. Пра гэта заявіў прадстаўнік курдскіх атрадаў народнай самаабароны (YPG) Біруск Хасака, паведамляе Reuters.
Хасака распавёў, што турэцкія войскі сапраўды спрабавалі перасекчы сірыйска-турэцкую мяжу ў рэгіёне Афрын, але былі вымушаныя вярнуцца пасля таго, як курды адкрылі па іх агонь.
19 студзеня турэцкае войска пачало масіраваны абстрэл курдскіх вёсак у Афрыне.
Міністр нацыянальнай абароны Турцыі Нурэцін Джаніклі ў эфіры тэлекампаніі AHaber заявіў, што пачаўся наступ на YPG. Пры гэтым турэцкія вайскоўцы яшчэ не перасеклі мяжу, паведаміў ён.
Анкара ўзгадняе свае дзеянні ў Сірыі з Масквой, дадаў турэцкі міністр.