Суд пастанавіў канфіскаваць тэхніку «Белсата»

Справа аб аўтарскіх правах на таварны знак атрымала працяг.

Сёння суд Першамайскага раёна Менска пастанавіў канфіскаваць частку тэхнікі, якая была канфіскаваная яшчэ вясной. Пастанову агучыла суддзя Анастасія Папко, паведамляе belsat.eu.

Акрамя гэтага, суд пастанавіў аштрафаваць на 40 базавых адзінак аператара Аляксандра Любенчука за нібыта парушэнне аўтарскіх правоў на таварны знак.

Таксама ў адпаведнасці з прысудам, канфіскуецца тэхніка тэлеканала: 2 сістэмныя блокі, 2 дыскавых назапашвальнікі, 2 маніторы, ноўтбук і відэакамера, якія былі кваліфікаваныя як прадмет адміністрацыйнага правапарушэння.

«Думаю, што ўсім зразумела: гэта справа не аб аўтарскіх правах або таварным знаку, а пра свабоду слова і цэнзуры», - пракаментаваў пастанову суда аператар. Асабістую тэхніку - камеру «Go Pro» і фотаапарат, якія таксама былі канфіскаваныя вясной - аператару вярнулі, бо праваахоўнікі не змаглі давесці, што гэтая тэхніка выкарыстоўвалася Алесем Любянчуком для працы на «Белсаце».