Фотафакт: У Парыжы Сена выйшла з берагоў

У сталіцы Францыі часткова спынены рух грамадскага транспарту.

У Парыжы затопленыя некаторыя вуліцы, тунэлі, часткова спынены рух грамадскага транспарту, а ў Страсбургу мясцовая ўлада прыняла пастанову аб кантраляваным затапленні тэрыторый, паведамляе ukrinform.ru.

У 23 дэпартаментах Францыі праз рост узроўню вады ў вадаёмах абвясцілі аранжавы (перадапошні з чатырох) узровень небяспекі, паведамілі французскія метэаролагі.

«Да пятніцы ўзровень вады ў Сене можа дасягнуць свайго піку і падняцца на 6,1 метра. Вада ў Сене ўзнімалася да такога ўзроўню апошнім разам у чэрвені 2016 года», - інфармавала мясцовая ўлада ў Парыжы.

Праз затапленні ў Парыжы перацяты шэраг дарог і аўтатунэляў, спынены рух на адным з кірункаў электрацягнікоў, закрыты для наведвання некаторыя славутасці, лебядзіная выспа недалёка ад Эйфелевай вежы.

У мэрыі папярэдзілі жыхароў аб магчымым затапленні скляпенняў праз пад'ём грунтавых вод.

На ўсходзе краіны ў выніку ліўняў і раставання снегу з берагоў выйшаў Рэйн. Каб пазбегнуць разбуральных наступстваў стыхіі, на поўдзень ад Страсбурга быў затоплены польдэр, плошча якога складае 600 гектараў.

Жыхароў папярэдзілі, што сітуацыя ў гэтым раёне можа пагаршацца, і заклікалі быць асцярожнымі.