На стадыёне адной з гімназій Гомеля знойдзенае цела падлетка

Праводзяцца следчыя дзеянні.

Сёння раніцай на спартовай пляцоўцы каля гімназіі №36 г. Гомеля знойдзены без прыкмет жыцця 16-гадовы хлопец, які вісіць у пятлі.

Гомельскі гарадскі аддзел Следчага камітэта распачаў крымінальную справу паводле ч.2 арт.145 (давядзенне да самагубства непаўналетняга) Крымінальнага кодэкса Рэспублікі Беларусь, піша «Гомельская праўда».

Як паведаміла афіцыйная прадстаўніца УСК Гомельскай вобласці Марыя Крываногава, цяпер праводзяцца следчыя дзеянні, дапытваюцца сваякі і сябры непаўналетняга, высвятляюцца абставіны здарэння. Прызначанае правядзенне судова-медыцынскай экспэртызы.

Непаўнагадовы з'яўляўся навучэнцам аднаго з каледжаў, размешчаных у Гомелі.