11 снежня 2018, aўторак, 22:13
Падтрымайце сайт «Хартыя-97»
Рубрыкі

У выхадныя зноў будзе цёпла: да +20°С і без ападкаў

Прагноз надвор'я на найбліжэйшыя дні.

Пад абаронай шырокага антыцыклону ў гэтыя выхадныя дні і ў першай палове наступнага тыдня будзе па-асенняму камфортна і цёпла. Ападкаў не чакаецца, але ў начны час не абыдзецца без туманаў. Пра гэта tut.by распавялі ў Белгідрамеце Мінпрыроды.

У суботу, 13 кастрычніка, без ападкаў. Уначы і раніцай месцамі чакаецца туман. Тэмпература паветра мінімальная ўначы, у асноўным, 3...9°С, толькі ў асобных раёнах яна панізіцца да 0...+2°С. Удзень максімальная тэмпература ў Беларусі складзе 14...20°С.

У нядзелю і панядзелак, 14-15 кастрычніка, без ападкаў. Уначы і раніцай у асобных раёнах чакаецца туман. Тэмпература паветра мінімальная ўначы +3...8°С, месцамі паветра астудзіцца да 0...+2°С. Максімальная тэмпература ўдзень +14...20°С.

У аўторак і сераду, 16-17 кастрычніка, сіноптыкі таксама не прагназуюць ападкі. Толькі ўначы і ў ранішнія гадзіны месцамі згусціцца туман. Тэмпература паветра мінімальная ўначы складзе +2...9°С, а максімальная тэмпература ўдзень складзе 14...20°С.