Трамп прыстрашыў Саудаўскую Арабію «суворым пакараннем»
- 13.10.2018, 16:18
- 7,957
Кіраўнік Белага дома паабяцаў раскрыць праўду пра журналіста Джамаля Хашкаджы.
Прэзідэнт ЗША Дональд Трамп анансаваў «суворае пакаранне» ў дачыненні да Саудаўскай Арабіі ў выпадку, калі краіна выявіцца вінаватай у знікненні журналіста Джамаля Хашкаджы. Пра гэта паведамляе ВВС.
Трамп паабяцаў «раскрыць праўду» аб тым, што здарылася з журналістам у консульстве Саудаўскай Арабіі ў Турцыі.
Паводле інфармацыі выдання, прэзідэнт ЗША абяцаў абмеркаваць «жудасную сітуацыю ў Турцыі» з каралём Саудаўскай Арабіі падчас тэлефоннай размовы.
Адзначаецца, што раней Трамп спрабаваў наладзіць добрыя стасункі з краінай. Ён таксама выключыў спыненне буйных вайсковых кантрактаў ЗША з каралеўствам на падставе страты працоўных месцаў.
Раней паведамлялася, што Міністэрства замежных спраў Вялікай Брытаніі распрацоўвае санкцыйны спіс прадстаўнікоў сілавых структур і службовых асоб Саудаўскай Арабіі ў сувязі са знікненнем журналіста.