Стала вядома, хто скраў больш за 20 туй на праспекце Пераможцаў у Менску

Шкоду ацанілі ў 840 рублёў.

У Менску затрымалі 44-гадовага мужчыну, які скраў на праспекце Пераможцаў 24 высаджаныя туі. Агульная сума шкоды склала блізу 840 рублёў, паведамляе ў Цэнтральным РУУС Менска, паведамляе tut.by.

Супрацоўнікі міліцыі ўстанавілі, што пасля таго, як мужчына ўчыніў крадзеж туй, ён прадаў іх на адным з рынкаў сталіцы.

У дачыненні да 44-гадовага менчука распавялі крымінальную справу паводле часткі 1 артыкула 205 Крымінальнага кодэкса. Санкцыя гэтай часткі артыкула прадугледжвае пакаранне ў выглядзе грамадскіх работ, або штрафу, або папраўчых работ на тэрмін да двух гадоў, або арышту, або абмежавання волі на тэрмін да трох гадоў, або пазбаўлення волі на той жа тэрмін.

Раней мужчына ўжо прыцягваўся да крымінальнай адказнасці за аналагічнае парушэнне. Цяпер ён знаходзіцца ў ізалятары часовага ўтрымання ГУУС Менгарвыканкама.

Заяву ў міліцыю аб крадзяжы 24 туй напісалі прадстаўнікі «Менскзелянбуда».

- Кралі нейкія вельмі адчайныя людзі. Як можна не ведаць пра тое, што праспект Пераможцаў праглядаецца з камер, - адзначаў раней начальнік упраўлення «Цэнтр» Сяргей Ражноў.

Нагадаем, нядаўна ў сталіцы затрымалі мужчыну, які скраў абсталяванне з фантана ля Опернага і здаў на другасную сыравіну.