«Пуціна» прывязалі да слупа ганьбы ў цэнтры Пермі

Надпіс на лбе абвяшчае: «Хлус».

Да слупа каля ЦУМа ў Пермі невядомыя прымацавалі самаробны манекен з тварам Уладзіміра Пуціна. Пры гэтым з дапамогай чорнага скотчу аўтары зымітавалі малюнак паласатай турэмнай робы. Пра гэта распавялі ў супольнасці «Подслушано Пермь» у сацыяльнай сетцы «Вконтакте», піша znak.com.

Да манекену прымацаваныя два аркушы з надпісамі «Хлус» і «Вайсковы злачынец Пыня У.У.». Пыняй апошнім часам апазіцыянеры называюць Пуціна.

Як паведамілі ў прэс-службе МУС Пермскага краю, паводле гэтага факту праводзіцца праверка, падчас якой сілавікі вызначаць, ці пачынаць справу, а таксама знойдуць аўтараў «арт-аб'екта».

Допіс у супольнасці набраў 1,5 тысячы «ўпадабаек ». Яго пераставілі больш за 100 разоў і пракаментавалі 760 разоў (да моманту напісання нататкі).

«Людзі паволі прачынаюцца» - ухвалілі некаторыя з карыстальнікаў.

«Страшна за таго, хто гэта зрабіў», - кажа іншы карыстальнік.

Як паведаміў штаб Навальнага ў Пермі на старонцы «ВКонтакте», паліцыянты даставілі ў аддзяленне сакратара Пермскага аддзялення Лібертарыянскай партыі Аляксандра Котава, а таксама ягонага 17-гадовага сябра - яны здымалі тое, што адбываецца на тэлефон. Пазней з'явілася інфармацыя, што іх адпусцілі без складання пратаколу.