28 сакавiка 2024, Чацвер, 11:42
Падтрымайце
сайт
Сім сім,
Хартыя 97!
Рубрыкі

Пад Антарктыдай выявілі загадкавую крыніцу цяпла

10
Пад Антарктыдай выявілі загадкавую крыніцу цяпла

Паблізу Паўднёвага полюса частка ледзянога покрыва растала.

Навуковая праца пра гэта апублікаваная ў часопісе Scientific Reports, коратка аб даследаванні паведамляе сайт Брытанскага антарктычнага даследавання.

Незвычайная колькасць цеплавой энэргіі нетраў Зямлі ўжо расплавіла і працягвае плавіць ніжнія пласты ледзянога покрыва. У выніку пласты ледзянога покрыва «правісаюць» уніз, а адталая вада сцякае пад ледніковым покрывам і падсілкоўвае падлёднае возера ніжэй па плыні.

Міжнародная даследчая каманда выявіла гэта на падставе радыёлакацыйных звестак пра таўшчыню, структуру і асаблівасці асновы ледавіковага шчыта вакол паўднёвага полюса. Аўтары даследавання мяркуюць, што крыніцай цяпла стала спалучэнне радыеактыўных парод і гарачай вады, якая паступае з-пад зямлі.

«Магчыма, гэты працэс раставання працягваўся цягам тысяч ці нават мільёнаў гадоў, - сказаў доктар Том Джордан, адзін з аўтараў працы. - Наўпрост ён не спрыяе змене ледзянога покрыва. Аднак у будучыні дадатковая вада на ледзяным покрыве можа зрабіць гэты рэгіён больш адчувальным да вонкавых чыннікаў, такіх як змяненне клімату».

Нагадаем, раней геафізікі знайшлі чарговыя пацвярджэнні таму, што ў Антарктыдзе, у раёне Зямлі Мэры Бэрд, знаходзіцца геатэрмальная крыніца. Даследнікі мяркуюць, што дзякуючы яе дзейнасці лёд растае, што прыводзіць да з'яўлення азёр і рэк пад ім.

Напісаць каментар 10

Таксама сачыце за акаўнтамі Charter97.org у сацыяльных сетках