Brexit: 27 лідараў ЕЗ разгледзяць асобную дэкларацыю наконт Гібралтара

Галоўнай перашкодай для заканчэння Brexit-перамоў у апошнія дні стала Гішпанія.

Лідары Еўрапейскага Звязу 25 лістапада маюць намер прыняць асобную заяву разам з дэкларацыяй аб Brexit для ахопу пытанняў рыбалоўства, экалагічных стандартаў і Гібралтара.

Пра гэта піша Reuters са спасылкай на дыпламатаў ЕЗ, паведамляе «Еўрапейская праўда».

Гэтыя тры пункты з'яўляюцца асобнымі у тым, што сфармуе пакет Brexit, прапанаваны для ўхвалення лідарам у нядзелю. Гаворка ідзе аб пагадненні Лондана з краінамі ЕЗ аб выхадзе з блока і палітычнай дэкларацыі аб будучых сувязях паміж ЕЗ і Вялікабрытаніяй.

Асобная дэкларацыя - гэтая заява толькі 27 краін, якія застаюцца ў ЕЗ, не будзе абмяркоўвацца з Брытаніяй, дадалі крыніцы.

Галоўнай перашкодай для заканчэння Brexit-перамоў у апошнія дні стала Гішпанія, якая адмаўляецца падтрымаць пагадненне, калі Мадрыд не атрымае права вета на будучае гандлёвае пагадненне з Брытаніяй.

Гішпанскі прэм'ер плануе выкарыстаць гандлёвыя перамовы паміж ЕЗ і Брытаніяй, каб перагледзець патрабаванні што да "агульнага суверэнітэту" над Гібралтарам.

Нагадаем, Тэрэза Мэй мае намер прыехаць у Брусэль у суботу, за дзень да саміту, каб абмеркаваць фінальныя ўмовы праекта пагаднення.