Мядзведзеў сабраўся будаваць у Расеі камунізм

Прэм'ер РФ нагадаў ураду пра абяцанне пабудаваць камунізм.

У пачатку 1960-х гадоў улады СССР паабяцалі грамадзянам, што яны будуць жыць пры камунізме, і людзі памятаюць гэта, заявіў на пасяджэнні ўрада ў чацвер прэм'ер-міністр РФ Дзмітрый Мядзведзеў.

Няўдалы досвед КПСС неабходна ўлічваць міністрам пры падрыхтоўцы прагнозу эканамічнага развіцця да 2036 года, падкрэсліў ён.

Гарызонт планавання досыць доўгі, і нешматлікія міністры «будуць займацца дагэтуль дзяржаўным кіраваннем», прызнаў Мядзведзеў.

Тым не менш, падкрэсліў ён, «у 2036 годзе будзе цікава паглядзець, што мы думалі пра будучыню у 2018 годзе».

«Галоўнае, каб нашы ўяўленні аб будучыні не выклікалі такія ж эмоцыі, як напрыклад, здагадкі пра будучыню, закладзеныя ў праграму КПСС, прынятую XXII з'ездам партыі нашай краіны ў пачатку 1960 гадоў. Што там гаварылася, людзі сярэдняга ўзросту, натуральна, памятаюць пра тое, што цяперашняе пакаленне савецкіх людзей будзе жыць пры камунізме», - адзначыў прэм'ер РФ.