Польшча прызнана адной з найлепшых краін у свеце для інвестыцый і бізнэсу

Рэйтынг заснаваны на 11 розных фактарах.

Паводле звестак часопіса Ceoworld, Малайзія прызнаная найлепшай краінай у свеце для інвестыцый і вядзення бізнэсу ў 2018 годзе. Польшча заняла другое месца, далей ідуць Філіпіны, Інданезія і Аўстралія, паведамляе «Радыё Польшча».

Рэйтынг заснаваны на 11 розных фактарах, уключаючы карупцыю, свабоду (асабістую, гандлёвую і грашовую), працоўную сілу, абарону інвестараў, інфраструктуру, падаткі, якасць жыцця, бюракратычную цяганіну і тэхналагічнае развіццё.

Вялікая Брытанія, ЗША, Кітай і Японія занялі 16-е, 18-е, 24-е і 32-е месца, адпаведна.