Мядзведзеў стварыў рабочую групу «інтэграцыі» Расеі і Беларусі
108- 28.12.2018, 19:21
- 81,861
У працоўную групу ўвойдуць прадстаўнікі ўсіх ведамстваў, Дзярждума, Савет Федэрацыі і Падліковая палата РФ.
Прэм'ер-міністр РФ Дзмітрый Мядзведзеў падпісаў распараджэнне аб стварэнні рабочай групы «інтэграцыі» Расеі і Беларусі, паведамляе РІА «Новости».
«У нас узначаліць яе Арэшкін. Туды ўвойдуць прадстаўнікі ўсіх ведамстваў. І не толькі ўрадавых, але і Дзяржаўнай Думы, Савета Федэрацыі (гаворка ідзе між тым, пра інтэграцыі), Падліковай палаты», - заявіў кіраўнік урада РФ.
У аўторак у Маскве прайшлі перамовы кіраўнікоў Расеі і Беларусі. Яны абмеркавалі кошты на энэргарэсурсы і будучыя змены ў расейскім падатковым заканадаўстве.
Чарговая сустрэча Пуціна і Лукашэнкі пройдзе ў Маскве 29 снежня. На ёй кіраўнікі абмяркуюць і прымуць пастанову, «якая не трывае адкладаў».