У Эстоніі прапануюць скасаваць пагадненне з РФ аб мяжы
6- 3.12.2018, 16:29
- 15,932
Гэта звязана з падзеямі ў Керчанскай пратоцы.
Парламенцкая апазіцыйная Кансерватыўная народная партыя Эстоніі (EKRE) ізноў падрыхтавала законапраект, які прадугледжвае не толькі адмову ад ратыфікацыі памежнага пагаднення з Расеяй, але і адкліканне подпісу Эстоніі пад гэтым пагадненнем, піша «Европейская правда».
У кастрычніку мінулага года Рыйгікогу адхіліў такую ініцыятыву EKRE. Прычынай аднаўлення ініцыятывы сталі апошнія падзеі ў Керчанскай пратоцы, заявіў дэпутат Рыйгікогу ад EKRE Яак Мадысан.
«Эстонія не павінна ўкладаць міжнародныя пагадненні з краінай, якая абвастрае вайсковы канфлікт з Украінай і не пільнуецца міжнародных дамоў", - падкрэсліў Мадысан.
Памежныя пагадненні былі падпісаныя ў 2014 годзе. Тады бакі дамовіліся, што пагадненні будуць ратыфікаваныя парламентамі абедзвюх краін паралельна.
У Рыйгікогу першае чытанне законапраекта аб ратыфікацыі памежных пагадненняў адбылося 25 лістапада 2015 года.