Прэс-сакратар Пашыняна жорстка адказаў Лукашэнку

У Ерэване заявілі, што пытанне аб прызначэнні новага генеральнага сакратара АДКБ пакуль не разгледжанае.

Прэс-сакратар выканаўцы абавязкаў прэм'ер-міністра Арменіі Нікола Пашыняна Арман Ягаян сцвярджае, што пытанне аб прызначэнні новага генеральнага сакратара Арганізацыі Дамовы аб калектыўнай бяспецы (АДКБ) яшчэ не разгледжанае, паведамляе агенцтва «Новости-Армения».

«Пытанне прызначэння генеральнага сакратара АДКБ пакуль не разгледжанае. Пасяджэнне АДКБ наогул не праводзілася. Пазіцыя Арменіі ў гэтым пытанні не змянілася», - сказаў Ягаян.

Нагадаем, што Лукашэнка ў чацвер пасля пасяджэння Вышэйшага еўразійскага эканамічнага савета ў Санкт-Пецярбургу заявіў, што старанам удалося прыйсці да кансэнсусу ў гэтым пытанні і новым генеральным сакратаром стане прадстаўнік Беларусі, піша tut.by.

Нагадаем, вакансія ўтварылася пасля таго, як Арменія датэрмінова адклікала свайго прадстаўніка Юрыя Хачатурава, які адпрацаваў на гэтай пазіцыі толькі паўтара года з прадугледжаных статутам трох гадоў.

8 лістапада лідарам краін-чальцоў АДКБ на саміце ў Астане не ўдалося прыйсці да кансэнсусу аб кандыдатуры новага генеральнага сакратара арганізацыі. Пытанне павінна было быць разгледжанае 6 снежня на саміце кіраўнікоў АДКБ у Санкт-Пецярбургу, але яно было перанесенае без пазначэння дакладнай даты яго правядзення.

Арменія намагае на тым, каб і наступныя паўтара года генеральным сакратаром АДКБ быў прадстаўнік яе краіны. У той жа час некаторыя іншыя чальцы АДКБ кажуць пра тое, што згодна з зацверджаным у арганізацыі прынцыпам кадравай ратацыі прадстаўнікоў краін паводле алфавіту, новым генеральным сакратаром павінен стаць прадстаўнік Беларусі.

Раней паведамлялася, што новым генеральным сакратаром можа стаць кіраўнік Савета бяспекі Беларусі Станіслаў Зась. Менск, у сваю чаргу, заявіў, што гатовы прапанаваць на гэтую пасаду тры кандыдатуры.

2 снежня Нікол Пашынян заявіў, што пытанне прызначэння генеральнага сакратара не будзе разглядацца да 2019 года.