Цэнтр Гомеля ачапілі праз падазроную сумку

Сумку праверылі сапёры.

Вечарам 7 снежня ў абласным цэнтры ачапілі квартал, а з найбліжэйшай крамы эвакуавалі 11 чалавек.

Паводле інфармацыі УУС Гомельскага аблвыканкама, падставай для гэтага стала выяўленая на праспекце Леніна безгаспадарная торба. Сапёры праверылі яе і выявілі ўсярэдзіне пустыя бутэлькі і прадукты харчавання. Дакументаў, якія паказваюць на ўладальніка, не знайшлі.

Ачапленне вакол месца здарэння знятае, рух транспарту на праспекце адноўлены.