Баскетбалісткі нацыянальнай каманды Беларусі падолелі Польшчу ў кваліфікацыі ЧЕ

Беларускі падолелі полек з лікам 71:50.

Жаночая каманда Беларусі ўпэўнена падолела каманду Польшчы ў хатнім матчы кваліфікацыі чэмпіянату Еўропы-2019 - 71:50, паведамляе pressball.by.

Самым выніковым гульцом у складзе каманды Наталлі Трафімавай стала Марыя Папова - яна набрала 13 балаў.

БЕЛАРУСЬ - ПОЛЬШЧА - 71:50 (13:6, 23:17, 15:12, 20:15)

БЕЛАРУСЬ: Бэнтлі (6), Філончык (н.в.), Гаспер (8 + 6 падб.), Голубева (н.в.), Леўчанка (6 падб.), Ліхтаровіч (8 + 6 падб.), Папова (13 + 8 падб. - 4 страты), Рыцікава (2 - 4 страты), Сныціна (11 + 3 пасы), Тарасава (3), Верамеенка (8 + 3 падб. + 3 блок-шоты - 6 страт), Зюзькова (12 + 3 пасы).

Група «В»: Турцыя - 8 (4), БЕЛАРУСЬ - 7 (4), Польшча - 5 (4), Эстонія - 4 (4).