У Віцебску забілі 29-гадовую грамадзянку Бангладэш
5- 19.02.2018, 11:53
- 15,907
Паводле падазрэння ў забойстве затрыманы грамадзянін Турцыі.
У Віцебску затрымалі грамадзяніна Турцыі, якога падазраюць у забойстве грамадзянкі Бангладэш, паведамляе Следчы камітэт.
29-гадовая грамадзянка Бангладэш ў Віцебску пражывала часова. Пра тое, што яна знікла, у міліцыю 8 лютага паведаміў ейны зямляк. Праваахоўнікі агледзелі месца яе пражывання, выявілі людзей, з якімі яна камунікавала, вывучылі запісы з камер відэаназірання.
Праз два дні міліцыя высветліла, што да знікнення жанчыны датычны 34-гадовы грамадзянін Турцыі. Ён распавёў, што схаваў ейнае цела ў каналізацыйнай трубе ў адным з гарадскіх яроў.
Распачатая крымінальная справа паводле факту забойства, учыненага з асаблівай жорсткасцю. Грамадзянін Турцыі знаходзіцца пад вартай. Праваахоўнікі высвятляюць абставіны злачынства.
Судмедэкспэрты высветлілі, што смерць жанчыны наступіла ад механічнай асфіксіі (задушэння). Жанчына была цвярозая.