Лукашэнка зрабіў кадравыя перастаноўкі ў МНС

Таксама кіраўнік падпісаў указ аб прызначэнні начальніка Інстытута памежнай службы.

Аляксандр Лукашэнка 19 лютага правёў кадравыя перастаноўкі ў кіраўніцтве Міністэрства надзвычайных сітуацый. Ён таксама падпісаў указ аб прызначэнні начальніка Інстытута памежнай службы. Пра гэта паведамляе прэс-служба дыктатара.

Аляксандр Худалееў вызвалены ад пасады намесніка міністра надзвычайных сітуацый і прызначаны першым намеснікам міністра надзвычайных сітуацый.

Васіль Сцепаненка, які раней займаў гэтую пасаду, звольнены са службы ў органах і падраздзяленнях надзвычайных сітуацый у запас па ўзросце з правам нашэння ўстаноўленай формы адзення і знакаў адрознення.

Анатоль Даўгалевец, які раней займаў пасаду начальніка Гомельскага абласнога ўпраўлення МНС, стаў намеснікам міністра надзвычайных сітуацый.

Акрамя таго, Лукашэнка падпісаў указ аб прызначэнні Сяргея Жылінскага начальнікам Інстытута памежнай службы.