У РФ заблакавалі сайт выдання Міхаіла Хадаркоўскага
2- 21.02.2018, 19:55
- 9,801
Сайт «МБХ Медиа» заблакавалі на патрабаванне Генпракуратуры РФ.
Сайт выдання «МБХ Медиа», у якім працуе былая каманда сайта «Адкрытай Расеі», заблакаваны на патрабаванне Генпракуратуры.
Пра гэта паведамляецца ў «Твітэры» выдання.
По требованию Генпрокуратуры заблокировали сайт «МБХ медиа». Но наш Telegram-канал заблокировать не могут: https://t.co/usoYjU9aKH pic.twitter.com/Rmm8Mqj3Fj
— МБХ Медиа (@MBKhMedia) 21 февраля 2018 г.
Сайт унесены ў рэестр сайтаў, якія ўтрымліваюць «заклікі да масавых беспарадкаў, ажыццяўлення экстрэмісцкай дзейнасці, удзелу ў масавых (публічных) мерапрыемствах, якія праводзяцца з парушэннем устаноўленага парадку, інфармацыйныя матэрыялы замежнай або міжнароднай няўрадавай арганізацыі, дзейнасць якой прызнаная непажаданай на тэрыторыі Расейскай Федэрацыі».
Інфармацыйны праект «МБХ Медиа» быў запушчаны ў канцы снежня мінулага года пасля блакавання сайта «Адкрытая Расея» на патрабаванне пракуратуры.