Меліціна Станюта знялася ў новым кліпе NaviBand

Вядомая беларуская гімнастка знялася ў кліпе на песню «Рэчанька».

У сераду, 21 лютага, гурт NaviBand прэзентаваў публіцы новую сумесную працу з беларускай спартоўкай.

Вядомая беларуская гімнастка Меліціна Станюта ўжо выступала пад народную песню «Рэчанька» ў выкананні Арцёма і Ксюшы на найлепшым гімнастычным шоў у Гішпаніі Euscalgym у 2017 годзе.

- Яшчэ летам на канцэрце ля Ратушы я пачула традыцыйную беларускую песню «Рэчанька», якую праспявалі Naviband, тады сапраўды зразумела, што недахопу натхнення пры складанні танца не будзе. Дзякуй, Naviband, за запіс гэтай чароўнай музыкі, - напісала пасля выступу спартоўка ў сваім Instagram.