Матч «Гомель» - «Тарпеда-Менск» быў спынены праз масавую бойку
12- 11.03.2018, 12:47
- 19,156
Трэнер Гомеля назваў гульню «больш падобнай на бойню».
Таварыскі матч паміж «Гомелем» і менскім «Тарпеда», які праходзіў у Бабруйску, быў спынены на 75-й хвіліне пасля масавай бойкі. Пра гэта паведамляецца ў «Твітэры» гомельскай каманды.
Лік у матчы быў адкрыты на 15-й хвіліне, вызначылася сталічная каманда.
Матч #ГомельТорпедо получился коротким, но очень нервным 🔥 pic.twitter.com/Ifv91JvxEV
— ФК «Гомель» (@fcgomel) 11 марта 2018 г.
Пасля перапынку запал на поле напаліўся, і ў выніку сутычкі перарос у масавую бойку.
Трэнер «Гомеля» Вячаслаў Герашчанка коратка падвёў вынік незавершанай гульні:
- Цяжка гэтую гульню назваць таварыскай. З першых хвілін яна набыла нейкі не зусім зразумелы фармат і была больш падобная на бойню. У нас палова каманды цяпер з траўмамі, пашкоджаннямі, рассячэннямі.