Беларуска атрымала срэбра на фінальным этапе КС у канькабежным спорце
- 17.03.2018, 20:16
- 9,637
Беларуская канькабежка стала другой на дыстанцыі 3000 м.
Беларуская канькабежка Марына Зуева стала другой на дыстанцыі 3000 м на фінальным этапе Кубка свету ў канькабежным спорце, паведамляе БелТА.
Спартоўка саступіла 2,78 сек. пераможцы забегу Антаінэце дэ Ёнг (Нідэрланды). Бронзавай прызёркай стала Івані Блондэн (Канада) з адставаннем 2,92 сек. ад пераможцы.
Марына Зуева падзялілася сваімі ўражаннямі ад гонкі пасля фінішу: "Вельмі прыемна стаць другой. Я думала пра тое, што ў мяне яшчэ няма медаля, асабліва пасля Алімпійскіх гульняў, калі я не змагла рэалізаваць сябе". Спартоўка таксама адзначыла, што адчувала сябе спакайней на хатняй арэне. "Сезонам задаволеная. Атрымалася адабрацца на Алімпійскія гульні і годна там выступіць, а пад канец сезону яшчэ і такі падарунак сабе зрабіла, як медаль на фінальным этапе дома".