Штаб Навальнага: Чвэрць выбарчых камісій у Маскве мела парушэнні
7- 18.03.2018, 21:20
- 14,959
Назіральнікі паведамляюць пра тое, што іх не пускаюць у памяшканне для падліку галасоў.
Чвэрць выбарчых камісій у Маскве мела парушэнні на выбарах прэзідэнта Расеі. Такія звесткі прыводзіць сталічны штаб апазіцыянера Аляксея Навальнага, паведамляе «Радио Свобода».
Паводле звестак штаба, усяго яўка на момант закрыцця выбарчых участкаў у Маскве склала 53 адсоткі. На выбарах у сталіцы прагаласавала блізу сямі мільёнаў чалавек.
На двух выбарчых участках вынікі будуць прызнаныя не сапраўднымі. Там былі зафіксаваныя ўкінутыя бюлетэні.
Галасаванне ў Маскве скончылася а восьмай гадзіне вечару паводле мясцовага часу. На некаторых участках назіральнікі паведамляюць пра тое, што іх не пускаюць у памяшканне для падліку галасоў.