Фотафакт: У Віцебску разам са снегам «сходзяць» кавалкі будынкаў

Праход каля аварыйных дамоў не агароджваюць.

«Даўно назіраю за гэтым эркерам на Суворава, 19. Сёння ён ужо выглядаў так...»

Такое паведамленне адправіў у рэдакцыю «Віцебскага кур'ера» аматар віцебскай гісторыі Павел Максімаў, які, шпацыруючы па вясновым Віцебску, убачыў на асфальце адламаліся кавалкі цаглянага будынка. Побач з пацярпелым будынкам знаходзіцца гатэль «Эрыдан», але эркер, які абваліўся, належыць не да гатэля, а да жылой часткі дома.

У кожнага нармальнага чалавека пры тым узнікне адное пытанне: а калі б камусьці на галаву? Пад будынкам не было заўважана ніякіх агароджаў. Але не магла ж частка фасада адваліцца проста «без абвяшчэння вайны»?

Са слоў Паўла, у дрэнным стане гэтая частка была ўжо даволі даўно:

«Увосень ўжо эркер стаў такі, што я чакаў абсыпання з дня на дзень. Але зіму вось прастаяў».