Самы вялікі экран Менска запрашае на Дзень Волі
9- 21.03.2018, 19:33
- 15,736
Канцэрт-мітынг у Менску пачнецца 25 сакавіка а 13-й гадзіне каля Опернага тэатра.
Аб’ява пра санкцыянаванае свята ў гонар 100-годдзя абвяшчэння незалежнасці БНР дэманструецца на самым вялікім экране сталіцы - на сцяне гандлёвага цэнтра «Галерэя», паведамляе «Радыё Свабода».
Канцэрт-мітынг у Менску пачнецца 25 сакавіка а 13-й гадзіне каля Опернага тэатра. Бел-чырвона-белыя сцягі дазволеныя.
На канцэрце выступяць гурты Akute, Dzieciuki, «Мутнаевока» і «Разбітае сэрца пацана», спевакі Ігар Варашкевіч, Кася Камоцкая, Пётр Клюеў і Юры Сатыльскі. Бліжэй да свята будуць анансаваныя таксама іншыя выступоўцы. Дачка Лявона Вольскага Адэля Вольская саспявае песні бацькі.