Гулец «Лівэрпуля» атрымаў 1,5 мільёна галасоў на выбарах прэзідэнта Егіпта
1- 31.03.2018, 21:30
- 12,652
ФОТА: REUTERS
Зорка футбольнай каманды Егіпта Махамед Салах у выбарах нават не ўдзельнічаў.
26-28 сакавіка ў Егіпце прайшлі выбары прэзідэнта. На пасаду прэтэндавалі два кандыдаты - Абдул-Фатах Халіл Ас-Сісі і Муса Мустафа Муса. Амаль 1,5 млн бюлетэняў былі сапсаваныя, паведамляе Economist.
Большасць парушальнікаў проста выкраслілі імёны абодвух кандыдатаў і ўпісалі імя зоркі футбольнай каманды Егіпта і «Лівэрпуля» Махамеда Салаха.
Mohamed Salah received over 1 million votes in the Egyptian presidential election. He wasn’t a candidate. 😂 pic.twitter.com/eXRGQeJ4BA
— LFCVine (@LFCVine) 31 марта 2018 г.
Ас-Сісі перамог на выбарах з вялікай перавагай - 97,11%, а сапсаваныя бюлетэні не былі ўлічаныя.
Сёння «Лівэрпуль» у чэмпіянаце Англіі з лікам 2:1 перамог у гасцях «Крыстал Пэлас». Махамед Салах забіў абодва галы і ўмацаваў сваё лідарства ў гонцы бамбардзіраў (29 галоў).
