У Празе ашуканцы мяняюць еўра на ранейшыя беларускія рублі
3- 12.04.2018, 14:40
- 42,333
Даверлівыя турысты замест чэшскіх крон атрымлівалі ранейшыя беларускія рублі.
Нягледзячы на тое, што Чэхія знаходзіцца ў Еўразвязе, яна дагэтуль не перайшла на еўра. У краіне карыстаюцца чэшскімі кронамі, якія можна або зняць у банкамаце, або набыць у абменніку, піша kyky.org.
Але ашуканцы ў самым цэнтры Прагі прапануюць памяняць еўра на кроны з рук - затое «выгадным курсам». Даверлівыя турысты замест чэшскай валюты атрымліваюць ранейшыя беларускія рублі.
Чэшскі партал Seznamzpravy.cz публікуе праект Honest Guide, у якім Янак Рубеш і Гонза Мікулка даюць парады турыстам, «якіх вы не знойдзеце ў даведніку». У новым рэпартажы яны распавядаюць пра гэта «бізнэс».
«У цэнтры Прагі мы знайшлі групу людзей, якія сапсавалі рэпутацыю нашага горада. І мы сапраўды незадаволеныя гэтым. Сцеражыцеся!», - напісалі журналісты.
Byl jsem na cestě do kina, když mě oslovil, jestli si nechci vyměnit nějaký peníze... Samozřejmě nabízí prošlý běloruský rubly. Teď jsem s ním na policii. Začátek filmu už evidentně nestihnu, ale někomu snad zachráním zážitek z Prahy. pic.twitter.com/xUWv2QyVsO
— Honza Mikulka (@HonzaMikulka) 2 апреля 2018 г.
Яны самі бачылі, як замежнікі, якія не ведаюць, як выглядаюць мясцовыя грошы, без сумненняў бяруць «зайчыкі». Адзін такі махляр са Старамесцкай плошчы заплаціў штраф пяць тысяч крон (менш, чым 250 даляраў) і праз пару дзён ён зноў падманваў турыстаў - на яго паўторна выклікалі паліцыю. Журналісты прапануюць падзяліцца сваім відэа, каб разам прыбраць гэтую «незаконную дзейнасць з вуліц Прагі».