Сын Толкіна апублікуе першую кнігу бацькі пра Міжзем'е

Кніга распавядае гісторыю эльфійскага горада.

Першая кніга Джона Рональда Руэла Толкіна пра Міжзем'е «Падзенне Гандаліна» будзе апублікаваная ў гэтым годзе. Выданнем займаецца сын пісьменніка Крыстафер Толкін. Кніга распавядае гісторыю эльфійскага горада, які быў захоплены лордам Марготам, гэтыя падзеі адбыліся за тысячы гадоў да падарожжа хобітаў, піша часопіс «Дылетант».

Пісаць «Падзенне Гандаліна» Толкін пачаў у 1917 годзе, перш чым узяцца за «Хобіта» і «Уладара пярсцёнкаў». У асяроддзі прыхільнікаў творчасці пісьменніка гэтую гісторыю называюць «святым Граалем тэкстаў Толкіна». Як чакаецца, кніга з'явіцца на паліцах крам у жніўні.

Выпуск «Падзення Гандаліна» стаў для многіх нечаканасцю, бо ў траўні 2017 года Крыстафер Толкін апублікаваў «Берэн і Лютыэн», што не выдаваліся раней, пасля чаго заявіў, што больш не будзе працаваць з кнігамі бацькі.