Відэафакт: Запуск ракеты па Сірыі з амерыканскага крэйсера

Пентагон апублікаваў запіс пуску Тамагаўка з ракетнага крэйсера USS Monterey.

Абароннае міністэрства ЗША апублікавала відэазапіс пуску ракеты Тамагаўк з ракетнага крэйсера USS Monterey, які ўзяў удзел у масаваным удары па аб'ектах вытворчасці і захоўвання хімічнай зброі ў Сірыі, паведамляе "Новое Время".

Адпаведнае відэа размясцілі на старонцы службы распаўсюджвання відэаінфармацыі Міністэрства абароны ЗША.

"Ракетны крэйсер USS Monterey (CG 61) запускае ракету Тамагаўк 14 красавіка", - гаворыцца ў тлумачэнні да роліка.

У Пентагоне ўдакладнілі, што USS Monterey дзейнічае ў складзе Пятага флоту ЗША з мэтай падтрымкі аперацый для марской бяспекі. Акрамя таго, у яго задачы ўваходзіць "забеспячэнне падтрымкі хаўруснікаў і партнёраў, а таксама забеспячэнне свабоды плавання і бесперашкоднага праходу гандлёвых суднаў у рэгіёне".