Рэвалюцыя «жыўцом»: Пратэстоўцы ў Ерэване перацінаюць дарогі

Лідары дэманстрантаў заклікалі кіроўцаў грузавікоў далучыцца да акцыі непадпарадкавання.

Сёння з раніцы сотні актывістаў апазіцыйнага руху, які выступае супраць прэм'ерства Сержа Саргсяна, разбіўшыся на групы, зноў выйшлі на вуліцы Ерэвана з мэтай перацінання руху транспарту, паведамляе azatutyun.am.

Напярэдадні апазіцыйны дэпутат Нікол Пашынян, якія ўзначальвае рух, заклікаў даць працяг акцыі грамадзянскага непадпарадкавання. Ён заклікаў кіроўцаў грузавікоў перацінаць дарогі.

«Спакойна, хутка і ўпэўнена перацінаем усе дарогі і трасы ў Арменіі грузавікамі. Спадзяюся, што наш чакае бліскучы дзень. У канцы дня, а 19:00, сустракаемся на мітынгу на Плошчы Рэспублікі», - сказаў Пашынян.

Між тым, паліцыя прадоўжыла затрыманні пратэстоўцаў. Так раніцай з плошчы Рэспублікі ў Ерэване паліцэйскія прывялі ў паліцыю аднаго з лідараў руху «Зрынай Сержа» Давіда Санасаряна і яшчэ некалькі актывістаў.

Адзначым, што позна ўночы стала вядома, што напярэдадні суд агульнай юрысдыкцыі Ерэванскіх адміністрацыйных акруг Аван і Нор Норк пастанавіў задаволіць хадайніцтва следчага і на два месяцы арыштаваць грамадзянскага актывіста Тыграна Мазманяна.

Актывісту было выстаўленае абвінавачванне паводле частцы 2 артыкула 225 Крымінальнага кодэкса Рэспублікі Арменія ( «Арганізацыя масавых беспарадкаў...»). Яму пагражае турэмнае зняволенне тэрмінам ад трох да васьмі гадоў. Адвакат Тыграна Мазманяна Ара Гарагёзян перакананы, што пастанова суда незаконная.

17 красавіка, у дзень, калі парламент выбраў экс-прэзідэнта Сержа Саргсяна прэм'ер-міністрам, лідар апазіцыйнай партыі «Грамадзянская дамова» і кіраўнік парламенцкай фракцыі «Елк» Нікол Пашынян абвясцілі аб пачатку бяскроўнай «аксамітнай» рэвалюцыі.