МАК увёў санкцыі ў дачыненні да Беларусі
7- 21.04.2018, 9:39
- 26,259
Беларусь пакараная за парушэнне антыдопінгавых нормаў.
Прэзідэнт Міжнароднага алімпійскага камітэта (МАК) Томас Бах паведаміў аб скарачэнні квот на Алімпійскія гульні для нацыянальных федэрацый, якія маюць праблемы з допінгам.
На думку Баха, змагацца з парушальнікамі можна на прыкладзе Міжнароднай федэрацыі цяжкай атлетыкі (IWF), якая не дапускае краіны, «якія трапілі на гарачым», на чэмпіянат свету і Алімпіяду, пішуць naviny.by.
Адзначаецца, што цяжкаатлеты Азербайджана, Арменіі, Беларусі, Казахстана і Расеі за парушэнне антыдопінгавых нормаў будуць прадстаўленыя на Гульнях-2020 адным спартоўцам і адной спартоўкай.
Галоўны функцыянер сусветнага алімпійскага руху выказаў надзею, што да Токіё-2020 праграма тэставання перад АГ будзе такой жа паспяховай, як і перад Пхенчханам 2018.
Нагадаем, за шэсць летніх Алімпіяд, у якіх бралі ўдзел беларускія спартоўцы, цяжкаатлеты здабылі 10 узнагарод: 1 - золата, 3 - срэбры, 6 - бронзаў.